← 2-р хоолFacebookX

Амталсан брокколи

Орц:

  1. 8 ширхэг дунд зэргийн хатаасан бор мөөгийг халуун буцалсан усанд хийж таглан дэвтээнэ.

  2. 2 ширхэг бондгор броколли

  3. 4 том халбага шүүгээгүй наран цэцгийн тос

  4. 4 зүсэм шинэхэн цагаан гааг маш жижигхэн болгож хэрчиж татна.

  5. 2 хумс сармисыг жижиглэн хэрчинэ.

  6. 1/4 лемон

  7. 2 том халбага шар буурцагны соус (soy sauce)

  8. 1 цайны халбага нуурын давс

  9. 1 цайны халбага бор элсэн чихэр

  10. 3 цайны халбага сайн чанарын гүнждийн тос

  11. 100 гр дүпүг хавтгай нимгэн хэрчиж тавина

  12. 1/2 цайны халбага Энэтхэг өмхий давс

  13. 1/4 цайны халбага хемел сунел амтлагч

  14. 1/4 цайны халбага нунтаг гоньд

Гарц:

2 порц

Хийх арга:

  1. Дэвтээсэн бор мөөгийг нарийхан урт хэрчиж тавина. Дэвтээсэн усаа хадгална.

  2. Броколи байцааг хэрчээд буцлаж буй усанд хийж 1 минут буцалгаад усыг нь шүүж авна.

  3. 4 халбага наранцэцгийн тосоо хайруулын тавганд хийж халаагаад сайтар халаад эхлэх үед нь сармис, цагаан гаа, мөөгийг хуурна. Шар буурцагны соусыг нэмж хийгээд лимоныг шахаж шүүсийг нь хийнэ. 2 минут хуурна. Давс, 2 цайны халбага гүнждийн тос, 2 том халбага мөөг дэвтээсэн ус зэргийг хийж дахиад 2 минут болгоно.

  4. Хэрчсэн дүпүг өөр хайруулын тавганд хийж 4 том халбага ус хийж, Энэтхэг өмхий давс, гоньд, хемел сунел амтлагчийг хийж 5-6 минут усыг нь ширгэтэл нь жигнээд 1 цайны халбага гүнждийн тос хийж амтлана.

  5. Броколи болон дүпүг будаагаар хачирлан таваглана.

Будааны хачиртай иднэ.